sábado, 31 de agosto de 2013

Os liquidadores da sanidade pública


En Nueva Tribuna
En Galicia Confidencial

Nos últimos tempos soubemos da existencia dunha nova profesión: o liquidador de empresas. Trátase dun experto que adquire unha empresa arruinada e, utilizando diversos artificios financeiros, consigue cuantiosos beneficios co seu peche (deixando aos traballadores na rúa). Ángel del Cabo fíxose millonario e acadou notoriedade pública coa liquidación das empresas de Díaz Ferrán (aquel presidente da CEOE que nos decía que tiñamos que traballar máis e cobrar menos). Agora os dous están no cárcere.
O goberno central e as autonomías gobernadas polo PP están actuando como auténticos liquidadores da sanidade pública. Mentres afirman traballar pola sustentabilidade adoptan decisións que contribúen ao seu deterioro e á privatización. Non descansan. Nin siquera no mes de agosto. Pola contra, aproveitaron o período vacacional para impulsar medidas que representan auténticas agresións contra o sistema nacional de saúde( SNS). Fagamos un breve repaso dos últimos acontecementos:

1.-A foto antes das vacacións. No último día de xullo Rajoy reuniu na Moncloa a un grupo de organizacións afíns coas que asinou un “pacto pola sustentabilidade do SNS”. Despois da sinatura  protocolaria fixeron a foto de rigor que foi publicitada como un acto histórico. Trátase, máis ben, dunha triste parodia e dun engano denunciado polos sindicatos, os traballadores sanitarios e os defensores da sanidade pública. A FSDSP afirma que este acordo carece de contido práctico, que representa un paso máis na estratexia de deterioro da sanidade pública e que este acto publicitario só pretende  frear as movilizacions de profesionais e cidadáns contra da privatizacion do sistema. 

2.-Madrid privatiza. A pesar da masiva contestación os gobernantes da Comunidade de Madrid persisten no seu empeño privatizador. Tampouco lles importa que haxa dous recursos xudiciais sen resolver: un millón e medio de madrileños poderán ver os seus hospitais privatizados dentro de pouco. Despois dun proceso escuro e pouco transparente tres empresas privadas -Sanitas, Ribera Salud e e portorriqueña Hima San Pablo (especializada en turismo sanitario)-  poden facerse cargo da xestión de seis hospitais. O PP madrileño empuxou esta medida a pesar das evidencias históricas: todas as experiencias previas realizadas noutras xeografías tiveron consecuencias negativas para a poboación, os profesionais e a a propia sanidade pública. Polo momento este proceso está paralizado: un xuzgado madrileño decretou a suspensión cautelar (03-09-13) da externalización despois dunha demanda presentada pola asociación profesional Afem.
Mais o diñeiro público non escapa só por esta vía cara os petos das empresas privadas. A sanidade madrileña aumentou o orzamento para os concertos con clínicas privadas nun 55%. Este incremento é, con diferencia, o maior dos últimos anos.

3.-O novo hospital de Vigo. O hospital que o sur de Galicia precisa, e polo que leva anos agardando, foi adxudicado polo goberno de Núñez Feijóo a unha UTE (Unión Temporal de Empresas) constituída por bancos arruinados e constructoras en bancarrota. Xa falamos deste asunto noutras ocasións. O hospital leva máis dun ano parado pois a empresa concesionaria non consigue que ningunha entidade financeira lle conceda crédito. Mais a Xunta persiste no seu afán privatizador. En contra de todas as normas permitiu cambios no contrato e mesmo na composición da UTE e, a primeiros de agosto, Núñez Feijóo afirmou que conseguiran o financiamento preciso para continuar a construcción. O diñeiro será aportado polo Banco Europeo de Inversións (BEI), o Instituto de Crédico Oficial (ICO) e por entidades bancarias rescatadas con diñeiro público (entre eles Novagalicia Banco, que conta por centos as persoas afectadas polo fraude das preferentes). Polo tanto, o novo hospital vai ser financiado con diñeiro público que despois reportará beneficios ás empresas integradas na UTE concesionaria. Mal porvir lle agarda á sanidade pública no sur de Galicia se non muda a situación. Lembremos que Povisa atende  a gran parte da poboación da zona. Ten un concerto particular co Sergas moi favorable pero acumula as maiores listas de espera da comunidade e fai un trato claramente discriminatorio entre os clientes privados e oa usuarios do Sergas. Vén de sufrir unha folga (desconvocada despois dunha sentenza favorable aos traballadores) por querer impor unhas penosas condicións laborais ao seu persoal (con rebaixas salariais do 40%).

4.-Recorte público e máis gasto familiar.  A ministra de Sanidade ven de anunciar que o copagamento nas medicinas significou unha reducción da factura farmacéutica de 2.000 millóns de euros no seu primeiro ano de vixencia. Esta noticia, presentada como unha conquista, pode ser interpretada doutro xeito. Máis que aforro o que fixo foi trasladar un gasto público ás economías familiares, xa moi deterioradas nos tempos actuais. A obriga de pagar unha porcentaxe dos medicamentos nas farmacias e a retirada de máis de catrocentas medicinas, de uso moi frecuente, do financiamento público obriga ás familias a un esforzo económico que, a miúdo, resulta inasumible. Polo tanto, na vez de gabarse polo que considera un triunfo, a ministra debería pedir perdón aos cidadáns por imporlles un gasto máis ás depauperadas economías familiares. En realidade o copagamento ven representar un dano para a saúde individual e colectiva (moitas persoas deixaron de medicarse por non poder costealo) e un elemento máis para aumentar as desigualdades.  Os pensionistas galegos sofren de xeito especial esta situación: a súa pensión media é de 722 euros, un 16% inferior á media do Estado. Galicia ocupa o último posto das 17 comunidades autónomas neste ranking.

5.-Máis castigo para os traballadores. A finais de agosto publicaron no BOE unha lei (Ley 10-2013). Trátase dunha norma aparentemente neutra que incorpora normas europeas ao ordeamento xurídico español en relación coa farmacovixiancia. Mais, como se non tivera importancia, esta lei inclúe unha disposición final quinta que modifica o Estatuto Marco do persoal estatutario do SNS. Esta modificación permite a creación do que chama “unidades de xestión clínica” integradas por persoal laboral, na que se terían que integrar os que hoxe teñen a consideración de estatutarios. En definitiva, tal como denunciou a propia CESM, esta lei remata, pola espalda e a traición, con todas as garantías do réxime estatutario. Trátase dunha afrenta máis contra os traballadores da sanidade pública, feita dunha forma tramposa e canalla (incluíndo unha disposición desta trascendencia no articulado dunha lei que non ten nada que ver coa regulación laboral).

6.- Aumentan as listas de espera. A drástica reducción orzamentaria, a perda de persoal e a eliminación do traballo de tarde nos hospitais están a provocar unha situación de grave colapso nos centros públicos. A espera cirúrxica pasou, en seis meses, de 76 a 100 días. Perto de 600.000 pacientes agandan polo quirófano. Este é o maior incremento desde que o Ministerio comezou a rexistar estes datos.  As autoridades sanitarias non parecen preocupadas por estes datos.  Algun sindicato interpreta que non lles interesa que a sanidade pública funcione: cómpre ter argumentos para afondar nas privatizacións.

7.-Diminúe a esperanza de vida. A esperanza de vida ao nacer é un dos principais indicadores para coñecer a calidade de vida dun país. Nas últimas décadas este parámetro mellorou de maneira continuada e permanente. Por primeira vez na historia recente a esperanza de vida dos españois baixou unhas décimas, mais este descenso continuará se as condicións de vida non mudan. A precariedade económica, a inseguridade laboral, a incerteza polo futuro, a exclusión sanitaria dos máis desfavorecidos e o aumento das desigualdades: todos estes factores inflúen neste cambio de tendencia. As políticas impostas polo partido no poder son as responsables principais desta mudanza histórica.


8 comentarios:

  1. Es legal y están legitimados para hacer eso y mucho más. Las urnas mandan; si los ciudadanos los votan, es que están de acuerdo con su política. Otro tema sería si somos un pueblo inculto y sin capacidad de crítica y de análisis; pero eso no viene al caso.
    Tenemos lo que nos merecemos.

    ResponderEliminar
    Respuestas
    1. Ya esta bien con lo de la mayoria absoluta, esta no legitrima para hacer todo, en todo caso solo obliga a cumplir con el prpograma electoral.

      Eliminar
    2. La mayoría absoluta no es un cheque en blanco para hacer lo que les plazca. En primer y último caso, su obligación es defender los intereses de la mayoría....y están haciendo lo contrario.

      Eliminar
  2. ............y si falla la privatizacion SIEMPRE NOS QUEDARAN : San Andre de Teixido , O Corpiño , Os Milagres de Amil , Armenteira , Sta Lucia , San Benitiño de Lerez ......pero que no pare el negocio !

    ResponderEliminar
  3. Hay un comentario anónimo a este blog que dice "Las urnas mandan". Si eso es democracia, que venga San Benitiño de Lérez y lo vea.
    Tenemos el ejemplo reciente de lo que ocurrió en Londres. Cameron ganó su presidencia gracias a las urnas, pero eso no le permite ser amo de quienes se alinean con él en una opción política. Y así le fue. Algunos de los "suyos" votaron en contra de la intervención en Siria. Eso aquí sería impensable y por eso no basta con las urnas. Ese es el gran error, desde mi punto de vista: que incluso los ciudadanos corrientes asumamos la "disciplina" de voto, de partido. ¿Por qué?
    Esa estúpida disciplina (palabra que casa muy mal con democracia) explica que Dña Andrea Fabra pudiera decirnos que nos jodiéramos (decirlo en el Parlamento es decírnoslo a todos por la extraordinaria falta de respeto que supone a una cámara supuestamente representativa). Lo pudo hacer por una razón elemental que no se da en UK: no tiene que dar cuenta de su grosería a sus electores sino sólo a su amo, Don Mariano, o quien sea, porque uno ya no sabe quién manda en dónde, que la ha incorporado a una lista de poder, lista electoral le llaman.
    Y, como bien responde otro anónimo, lo mínimo exigible a esta gente que tanto pregona la "excelencia" (véase el ínclito Wert), es que sean un poco serios con sus promesas electoralistas.

    ResponderEliminar
  4. Hay otra cuestión en la que quisiera incidir.
    Lo he comentado en alguna otra parte. La medicina privada española surge de la pública, con médicos que han hecho su especialidad vía MIR y que han usado el sistema público como "trampolín" para el ejercicio privado.
    Ni el PSOE ni el PP propiciaron jamás una independencia entre ambos sectores en forma de exclusividad de la prestación en el servicio público. Y los Colegios Médicos y sindicatos profesionales ponían el grito en el cielo como se mentase el tema.
    Conozco y estimo a personas ejemplares que trabajan en el sector público y tienen actividad privada (porque también es un hecho que quien no haga guardias, peonadas, trasplantes o lo que sea, no está precisamente bien pagado). Pero también sé de prácticas menos edificantes, como las inherentes a trasvases de enfermos, juegos con listas de espera, etc., etc.
    Y también sabemos de personas que han instalado "de facto" una buena privada en el sector público, llámesele como se le llame, y legal, por supuesto, incluso necesaria.
    No es oro todo lo que reluce en la Sanidad Pública.
    Es decir, no estamos sólo ante tiburones, ante gestores que atraviesan bidireccionalmente una puerta para enriquecerse. No sólo ante quien quiere desmantelar un sistema que ya se ha ido desmantelando desde dentro por tantas avaricias
    El PSOE se lo ha puesto en bandeja al PP. Ésa sí que pueden decir que es la herencia recibida.
    Y, de momento, que nos vayan dando. En recortes de días y sueldos, en arbitrariedades de nombramientos y de contratos, etc.
    Y en cuanto a los enfermos... esos sí que tienen paciencia.

    ResponderEliminar
  5. Los blogs se llenarán de letras Algunos incluso nos consideraremos ingeniosos y audaces Pero la palabrería y la parálisis cobarde no va a frenar la acción decidida de los que tienen poder e intereses La "furia española" consiste en ir aflojando el cinturón cuando están violando al vecino Me gustaría saber cuantos comentarios quedarían si se supiese que las autoridades los están viendo (no olvideis el caso Snowden)
    Cada uno no tiene lo que se merece, es verdad Tiene lo que consigue y defiende, desde que el mundo existe Los derechos, las revoluciones, las conquistas nunca se ganaron apelando a la "justicia"

    ResponderEliminar
    Respuestas
    1. No he visto que en Madrid hubiera sólo "palabrería y parálisis cobarde". Es un mero ejemplo.
      La palabra es importante. Siempre lo fue y lo seguirá siendo. Recordemos que se prohibía que los esclavos aprendieran a leer; tal vez fuera por algo. En un libro sólo hay palabras escritas.
      En cuanto a la vigilancia generalizada de blogs, redes sociales, etc., sólo un ingenuo podría creer que no existe.

      Eliminar